नवेगाव येथील निवृत्त महिला अधिकायाच्या निर्घृन हत्येतील आरोपीस गडचिरोली पोलीसांनी केले जेरबंद.
एस.के.24 तास
गडचिरोली : सविस्तर वृत्त असे आहे की,दिनांक, 13/04/2025 चे 12:00 वा. ते 14:30 वा.च्या दरम्यान कोणीतरी अज्ञात आरोपीने कोणत्यातरी साधनाने निवृत्त महिला अधिकारी कल्पना केशव उंदिरवाडे वय,64 वर्षे रा.कल्पना विहार, सुयोगनगर,बोरकर पेट्रोलपंपच्या मागे,नवेगाव तह.व जि.गडचिरोली यांना त्यांचे राहते घरी डोक्यावर मारुन त्यांना गंभीर जखमी केल्याने त्यांचा जागीच मृत्यु झाला होता.
त्यानुषंगाने पोस्टे गडचिरोली येथे अज्ञात आरोपीविरुध्द त्यांचे भाऊ श्रेणी पोलीस उपनिरीक्षक श्री.मोहन सोनकुसरे यांनी दिलेल्या फिर्यादीवरुन दिनांक 14/04/2025 रोजी चे रात्री 01:40 वा.अप क्र. 0231/2025 कलम 103 भा.न्या.सं अन्वये गुन्हा नोंद करण्यात आला होता.सदर गुन्ह्रातील अनोळखी आरोपीने कोणत्याही स्वरुपाचा पुरावा अथवा दुवा मागे सोडलेला नसल्याने सदर गुन्ह्रातील अनोळखी आरोपीचा शोध घेवून त्यास अटक करणे हे गडचिरोली पोलीसापुढे मोठे आव्हान होते.
सदर गुन्हा अत्यंत गंभीर स्वरुपाचा असल्याने घटनेचे गांभीर्य लक्षात घेता वरिष्ठ अधिकायांनी घटनास्थळी भेट दिल्यानंतर पोलीस अधीक्षक श्री.नीलोत्पल व अपर पोलीस अधीक्षक (अभियान) श्री.यतिश देशमुख यांच्या मार्गदर्शनाखाली सदरचा गुन्हा उघडकीस आणून आरोपीस अटक करण्याकरिता उपविभागीय पोलीस अधिकारी गडचिरोली श्री.सुरज जगताप यांच्या नेतृत्वात पोलीस स्टेशन गडचिरोली व स्थानिक गुन्हे शाखा गडचिरोली येथील अधिकारी व अंमलदारांची तीन तपास पथके तयार करण्यात आली होती.
यांनतर तपास पथकांनी साक्षीदार तसेच इतर पुराव्यांच्या मदतीने संशयीत इसम नामे विशाल ईश्वर वाळके वय अंदाजे 40 वर्षे,रा.एटापल्ली तह.एटापल्ली जि. गडचिरोली, सध्या रा.कल्पना विहार,सुयोगनगर, बोरकर पेट्रोलपंपच्या मागे,नवेगाव तह.व जि. गडचिरोली याला तपासाकरीता ताब्यात घेतले. त्याची गुन्ह्राच्या अनुषंगाने अधिक विचारपूस केली असता, त्याने गुन्हा केल्याचे निष्पन्न झाल्याने विशाल ईश्वर वाळके यास सदर गुन्ह्रामध्ये आज दिनांक 18/04/2025 रोजी अटक करण्यात आली आहे.
अधिक तपासादरम्यान असे मिळून आले की,आरोपी नामे विशाल ईश्वर वाळके हा मयत महिला कल्पना केशव उंदिरवाडे यांचे घरात भाडेकरी म्हणून राहत होता. त्याच्यावर असलेल्या कर्जामूळे व उसनवारीच्या पैशांमूळे चोरी करण्याच्या उद्देशाने दिनांक 13/04/2025 रोजी मयत महिला घरमालक कल्पना उंदिरवाडे यांचे घरामध्ये घुसला.
त्यावेळी त्याने कल्पना उंदिरवाडे यांचे डोक्यावर शस्त्राने वार करुन खून केल्याचे व त्यानंतर त्यांच्या अंगावरील दागिणे घेऊन तेथून पळून गेल्याचे तपासात निष्पन्न झाले.मात्र गडचिरोली पोलीसांनी तपासाची चक्रे फिरवून आज रोजी आरोपीस मोठ्या शिताफिने अटक केली आहे.
सदर गुन्ह्रात कोणतेही पुरावे नसताना केवळ तांत्रिक पुराव्याच्या मदतीने आणि गोपनीय माहितीच्या आधारावर आरोपीस निष्पन्न करुन त्यास अटक करुन अत्यंत गंभीर व क्लिष्ट स्वरुपाचा गुन्हा उघडकीस आणण्यास गडचिरोली पोलीस दलास यश आले आहे.
आरोपीला मा. प्रथमवर्ग न्यायदंडाधिकारी, कोर्ट गडचिरोली यांचे समक्ष रिमांडकामी हजर केले असता, मा. न्यायालयाने आरोपीस दिनांक 18/04/2025 ते दिनांक 22/04/2025 रोजी पर्यंत पोलीस कस्टडी रिमांड मंजूर केलेला आहे. सदर गुन्ह्राचा पुढील तपास उपविभागीय पोलीस अधिकारी गडचिरोली श्री.सुरज जगताप हे करीत आहेत.
सदरची कारवाई पोलीस अधीक्षक श्री. नीलोत्पल, अपर पोलीस अधीक्षक (अभियान) श्री. यतिश देशमुख तसेच उपविभागीय पोलीस अधिकारी गडचिरोली श्री.सुरज जगताप यांचे मार्गदर्शनात पोस्टे गडचिरोलीचे पोनि.रेवचंद सिंगनजूडे, स्थागुशाचे पोनि.अरुण फेगडे, सपोनि.भगतसिंग दुलत,सपोनि. राहूल आव्हाड,पोस्टे गडचिरोलीचे सपोनि.विजय चव्हाण पोउपनि.दिपक चव्हाण, मपोउपनि.विशाखा म्हेत्रे व अंमलदार यांनी पार पाडली.
