नॅक मान्यता प्रकीयेतील सुधार जाणणे आवश्यक एफडीपी कार्यक्रम. - डॉ.किशोर नाकतोडे
अमरदीप लोखंडे - सहसंपादक
ब्रम्हपुरी : दिनांक,२१/०४/२५" नॅक हे महाविद्यालयीन गुणवत्ता मूल्याकंनासाठी निर्माण झाले.यामध्ये दिवसागणिक अनेक बदल होत आहेत.महाविद्यालयातील संशोधन,सोयीसुविधा, विद्यार्थ्यांचा सहभाग,माजी विद्यार्थ्यांचे योगदान, सुसज्ज ग्रंथालय,निर्मित लॅब आणि समाजाला व विद्यार्थ्यांना त्याचा झालेला फायदा अशा अनेक बाबींवर नॅक भर देऊन त्या महाविद्यालयाची गुणवत्ता सिद्ध करते.
या नॅक मान्यता प्रकीयेतील सुधार जाणणे गरजेचे,असल्याने प्रतिपादन ने.हि. महाविद्यालयातील नॅक समन्वयक डॉ किशोर नाकतोडेंनी केले.ते सहा दिवसीय एफडीपी कार्यक्रमात ' नॅक मान्यता प्रकियेतील सुधार ' विषयावर बोलत होते.
कार्यक्रमाच्या अध्यक्षस्थानी प्राचार्य डॉ.डी. एच गहाणे तर प्रमुख उपस्थितीत डॉ.रेखा मेश्राम, डॉ.राजेंद्र डांगे व एफडीपी समन्वयक डॉ.धनराज खानोरकर उपस्थित होते.याप्रसंगी आपल्या अध्यक्षीय मनोगतात प्राचार्य डॉ गहाणेंनी यामागची भूमिका विशद करुन या सहा दिवसीय कार्यक्रमाला शुभेच्छा दिल्या.
प्रास्ताविक डॉ.अरविंद मुंगोले तर आभार डॉ.धनराज खानोरकरांनी केले. यशस्वीतेसाठी डॉ.असलम शेख,डॉ.युवराज मेश्राम,डॉ.भास्कर लेनगुरे नी मोलाचे सहकार्य केले.कार्यक्रमाला समस्त प्राध्यापकवृंद उपस्थित होता.
