जि.प.च्या ग्रामीण पाणी पुरवठा विभागाचे कार्यकारी अभियंता हर्ष बोहरे,वरिष्ठ सहायक सुशील मारोती गुंडावार,कंत्राटी परिचर मतीन फारूख शेख यांना 4 लाख 20 हजाराची लाच स्वीकारताना अटक.

जि.प.च्या ग्रामीण पाणी पुरवठा विभागाचे कार्यकारी अभियंता हर्ष बोहरे,वरिष्ठ सहायक सुशील मारोती गुंडावार,कंत्राटी परिचर मतीन फारूख शेख यांना 4 लाख 20 हजाराची लाच स्वीकारताना अटक.

चंद्रपूर : जिल्हा परिषदेच्या ग्रामीण पाणी पुरवठा विभागाचे कार्यकारी अभियंता हर्ष यशोराम बोहरे, वरिष्ठ सहायक सुशील मारोती गुंडावार, कंत्राटी परिचर मतीन फारूख शेख या तीन जणांना 4 लाख 20 हजाराची लाच स्वीकारताना लाचलुचपत प्रतिबंधक विभागाचे पथकाने अटक केल्याने खळबळ उडाली आहे.

तक्रारदार हे मौजा जिवती, जि. चंद्रपूर येथील रहिवासी असून त्यांचा ठेकेदारीचा व्यवसाय आहे. तक्रारदार यांनी दिलेल्या तक्रारी नुसार त्यांचे  “ जल जीवन मिशन ” कार्यक्रम अंतर्गत जिवती आणि राजुरा तालुका येथील एकूण 23 गावांमध्ये पाणीपुरवठा संबंधी केलेल्या कामांपैकी 10 गावांतील कामांचे बिले ग्रामीण पाणी पुरवठा विभाग, जिल्हा परिषद चंद्रपूर येथे मंजुरीकरीता सादर केले होते. त्यापैकी 5 गावांचे कामांचे एकुण 43 लाख रूपयांचे बिले तक्रारदार यांना मिळाले.

सदर काढुन दिलेली बिले व बाकी असलेली बिले काढून देण्याकरिता ग्रामीण पाणी पुरवठा विभाग, जिल्हा परिषद चंद्रपूरचे कार्यकारी अभियंता हर्ष बोहरे यांनी स्वतः करीता 4 लाख रूपयेची मागणी करून सदर रक्कम त्यांचे वरिष्ठ सहायक सुशील गुंडावार यांचेकडे देण्यास सांगीतले. तसेच वरिष्ठ सहायक सुशील गुंडावार यांनी स्वतः करीता 2 हजार रूपयेची मागणी केली. असे दोघांचे मिळून एकुन 4 लाख 20 हजार रूपये लाचेची मागणी केली.

तक्रारदार यांची कार्यकारी अभियंता हर्ष बोहरे, व वरिष्ठ सहायक सुशील गुंडावार, ग्रामीण पाणी पुरवठा विभाग, जिल्हा परिषद चंद्रपूर यांना 4 लाख 20 हजार रुपये लाच देण्याची ईच्छा नसल्याने बोहरे व सुशील गुंडावार, यांचे विरुध्द लाच लुचपत कार्यालय चंद्रपूर येथे तक्रार दिली.

 प्राप्त तक्रारीवरून करण्यात आलेल्या पडताळणी कार्यवाही दरम्यान आलोसे.हर्ष बोहरे, कार्यकारी अभियंता व वरिष्ठ सहायक सुशील गुंडावार, ग्रामीण पाणी पुरवठा विभाग, जिल्हा परिषद चंद्रपूर यांनी तक्रारदार यांना 4 लाख 20 हजार रुपये लाचेची मागणी करून स्विकारण्याची तयारी दर्शविली.

त्यावरून 10 एप्रिल 2025 रोजी करण्यात आलेल्या सापळा कारवाई दरम्यान आलोसे क्र.2 सुशील गुंडावार यांनी लाच रक्कम 4,20,000/- रूपये पंचासमक्ष स्वतः स्विकारून त्यापैकी 20,000/- रूपये स्वतः करीता वेगळे काढुन उर्वरीत 4,00,000/- रूपये आलोसे  मतीन शेख यांना हर्ष बोहरे यांना देण्यास सांगीतल्याने. मतीन शेख यांनी सुशील गुंडावार यांचे सांगणेवरून हर्ष बोहरे यांचे घरी नेउन दिली.

सदरची लाचरक्कम स्वीकानारे हर्ष बोहरे व सुशील गुंडावार यांना ताब्यात घेण्यात आले असुन आलासे हर्ष बोहरे यांना लाचरक्कम नेउन देणारे मतीन शेख यांना ताब्यात घेण्यात आले असुन रामनगर पोलिस ठाण्यात आरोपी लोकसेवक यांचे विरूध्द गुन्हा नोंद करण्याची कार्यवाही सुरु आहे. 

सदरची कार्यवाही ही डॉ. दिगंबर प्रधान, पोलीस अधीक्षक, लाचलुचपत प्रतिबंधक विभाग, नागपुर, सचिन कदम, अपर पोलीस अधीक्षक, ला.प्र.वि. नागपूर, संजय पुरंदरे, अपर पोलीस अधीक्षक, ला.प्र.वि. नागपूर यांचे मार्गदर्शनात पोलीस उप अधीक्षक श्रीमती मंजुषा भोसले 

ला.प्र.वि.चंद्रपूर,तसेच कार्यालयीन स्टॉफ पो. नि. जितेंद्र गुरनूले, पो.हवा. हिवराज नेवारे, नरेशकुमार नन्नावरे, रोशन चांदेकर, पो.अं. अमोल सिडाम, प्रदीप ताडाम, वैभव गाडगे, म.पो.अं. पुष्या काचोळे, चा.पो.अं. सतिश सिडाम, संदिप कौरासे यांनी यशस्वी पार पाडली आहे.