चामोर्शी तालुक्यातील अनखोडा येथे पाणी थंड करणाऱ्या कुलिंग मशीनच्या विद्युत तारेच्या झटक्याने 16 वर्षीय तरुणाचा मृत्यू.
एस.के.24 तास
चामोर्शी : पाणी थंड करणाऱ्या कुलिंग मशीनच्या विद्युत तारेच्या झटक्याने अनखोडा येथील 16 वर्षीय तरुणाचा मृत्यू झाल्याची दुदैवी घटना दिनांक 6 एप्रिल रवीवार ला संध्याकाळी 4:00 ते 4:30.वाजता च्या सुमारास घडली.
धीरज प्रमोद येलमुले वय,16 वर्ष रा.अनखोडा तालुका चामोर्शी जिल्हा गडचिरोली असे मृतकाचे नाव आहे
मृतक धीरजच्या वडिलांचा अनखोडा येथे थंड पाणी कॅन वितरणाचा चा व्यवसाय आहे.
त्यांच्या या व्यवसायात मुलगा धीरज मदत करत होता.रविवारी संध्याकाळी 4:00 वा.च्या सुमारास धीरज हा कुलिंग मशीन जवळ गेला असता कुलिंग मशीन च्या विद्युत तारेचा त्याला जोरदार झटका बसला.व तो जागेवरच कोसळला त्याला त्वरीत उपचारासाठी आष्टी येथील ग्रामीण रुग्णालयात आणण्यात आले.
डॉक्टरांनी त्याला मृत घोषित केले.घटनेचा पुढील तपास आष्टी पोलिस ठाण्याचे पोलिस निरीक्षक विशाल काळे यांच्या मार्गदर्शनाखाली सुरु आहे
