दिरंगी - फुलनार येथे झालेल्या चकमकीमध्ये एका सी-60 जवानाच्या हत्येमध्ये सक्रिय सहभाग असलेल्या 02 जहाल माओवाद्यांना गडचिरोली पोलीस दल व सिआरपीएफने केली अटक
एस.के.24 तास
गडचिरोली : दिनांक,05/03/2024
★ अटक महिला माओवादीचा माहे फेब्राुवारी 2025 मध्ये मौजा कियेर,भामरागड येथे झालेल्या माजी पंचायत सभापती सुखराम मडावी यांच्या हत्येमध्ये देखील होता सक्रिय सहभाग.
★ महाराष्ट्र शासनाने जाहीर केले होते एकुण 08 लाख रुपयांचे बक्षीस.
गडचिरोली जिल्हा हा माओवादग्रस्त जिल्हा म्हणून ओळखल्या जातो.येथे माओवादी हे सरकारी मालमत्तेचे नुकासान करणे, सुरक्षा दलाच्या जवानांवर हल्ला करणे व इतर प्रकारच्या सरकारी कामात अडथळे आणून जाळपोळ करणे इ.देशविघातक कृत्य करत असतात.माओवाद्यांच्या सुरक्षा दलांविरुद्धच्या अनेक हिंसक कार्यवाह्रांमध्ये सक्रिय सहभाग असलेल्या दोन माओवाद्यांस आज दिनांक 05/03/2025 रोजी गडचिरोली पोलीस दल व सिआरपीएफने अटक केली आहे.
गडचिरोली पोलीस दलाच्या प्रभावी कारवाईमुळे माहे जानेवारी 2022 ते आतापर्यंत एकुण 92 माओवाद्यांना अटक करण्यात गडचिरोली पोलीस दलास यश आलेले आहे. सविस्तर वृत्त असे आहे की, आज दि. 05/03/2025 रोजी उपविभाग भामरागड अंतर्गत पोस्टे भामरागड हद्दीतील आरेवाडा जंगल परिसरामध्ये पोस्टे भामरागड येथील पोलीस पथक व 37 बटा. सिआरपीएफचे पथक माओवादविरोधी अभियान राबवित असताना त्यांना दोन संशयित व्यक्ती फिरत असताना आढळून आल्याने पथकाच्या जवानांनी त्यांना ताब्यात घेतले होते.
त्यांनंतर त्यांची अधिक सखोल चौकशी करण्यासाठी पोलीस मुख्यालय गडचिरोली येथे आणले असता,सदर इसमांनी आपली नावे
1) केलु पांडुू मडकाम ऊर्फ दोळवा,(पीपीसीएम,कंपनी क्र.10),वय 26 वर्षे, रा.मुरकुम,पोस्टे - तर्रेम,तह.उसूर जि. बिजापूर (छ.ग.)
2) रमा दोहे कोरचा ऊर्फ डुम्मी (पार्टी सदस्य, भामरागड दलम),वय 32 वर्षे रा. मेंढरी,तह.एटापल्ली, जि. गडचिरोली असे असल्याचे सांगितले.अधिक चौकशी दरम्यान समोर आले आहे की,सदर दोन्ही इसम हे पोलीसांच्या अभिलेखावरील जहाल माओवादी असून घातपात घडवून आणण्याच्या उद्देशाने ते आरेवाडा जंगल परिसरात रेकी करण्यासाठी दाखल झाले होते. तसेच पोलीस तपासात उघड झाले की,या दोन्ही माओवाद्यांंचा दि.11 फेब्राुवारी 2025 रोजी मौजा दिरंगी - फुलनार जंगल परिसरात झालेल्या चकमकीमध्ये एका पोलीस जवानाच्या हत्येमध्ये प्रत्यक्ष सहभाग होता.
असे निष्पन्न झाल्याने त्यांना पोस्टे कोठी येथे त्या अनुषंगाने दाखल अप क्र. 01/2025 कलम 103, 109, 121 (1), 132, 189(2), 190, 191 (2), 61 भा.न्या.स., सहकलम 25, 27, 3, 5 भाहका, कलम 3, 4, 5, भास्फोका, सहकलम 13, 16, 18, 20, 23 बेकायदा कृत्य अधि. व सहकलम 135 महा.पो. अधि. या गुन्ह्रात आज रोजी अटक करण्यात आली आहे.
अटक माओवादी आरोपींची माहिती : -
1) केलु पांडू मडकाम ऊर्फ दोळवा
दलममधील कार्यकाळ : -
★ सन 2016 मध्ये पामेड दलममध्ये सदस्य पदावर भरती होऊन सन 2017 पर्यंत काम केले.
★ सन 2017 मध्ये सिसिएम मिलींद तेलतुबडे च्या गार्डमध्ये बदली होऊन सन 2021 पर्यंत काम केले.सन 2021 मध्ये मर्दिनटोला चकमकीमध्ये जखमी झाल्याने माड एरीयातील मौजा काकुर जंगल परिसरात राहुन माहे फेब्राुवारी 2022 पर्यंत उपचार घेतले.
★ माहे फेब्राुवारी 2022 पासून पश्चिम ब्युरो स्टाफ टिममध्ये आवश्यकतेनुसार डिकेएसझेडसी रुपेश व प्रभाकर यांचे सोबत माहे ऑगस्ट 2023 पर्यंत काम केले.
★ माहे ऑगस्ट 2023 मध्ये कंपनी क्र. 10 मध्ये बदली होऊन माहे एप्रिल 2024 पर्यंत काम केले.
★ माहे एप्रिल 2024 पासून डिकेएसझेडसी प्रभाकर व कंपनी क्र. 10 मध्ये आवश्यकतेनुसार माहे डिसेंबर 2024 पर्यंत काम केले.
★ माहे डिसेंबर 2024 मध्ये पीपीसीएम (प्लाटुन पार्टी कमिटी मेंबर) पदावर पदोन्नती होऊन कंपनी क्र. 10 मध्ये आजपावेतो काम केले.
कार्यकाळात केलेले गुन्हे
★ त्याचा आजपर्यंत एकुण 05 गुन्ह्रांमध्ये सहभाग असून त्यामध्ये 04 चकमक, व 01 जाळपोळ या गुन्ह्रांचा समावेश आहे.
कार्यकाळात केलेले गुन्हे व चकमक - 04
■ सन 2021 मध्ये मौजा मर्दीनटोला जंगल परिसरात पोलीसांसोबत झालेल्या चकमकीमध्ये त्याचा सहभाग होता. या चकमकीत 27 माओवाद्यांना ठार करण्यात गडचिरोली पोलीस दलास यश आले होते.
■ सन 2024 मध्ये मौजा टेकामेट्टा-काकुर जंगल परिसरात पोलीसांसोबत झालेल्या चकमकीमध्ये त्याचा सहभाग होता. या चकमकीत 10 माओवाद्यांना ठार करण्यात छत्तीसगड पोलीसांना यश आले होते.
■ माहे ऑक्टोंबर 2024 मध्ये मौजा कोपर्शी जंगल परिसरात पोलीसांसोबत झालेल्या चकमकीमध्ये त्याचा सहभाग होता. या चकमकीत 05 माओवाद्यांना ठार करण्यात गडचिरोली पोलीस दलास यश आले होते.
◆ दि.11 फेब्राुवारी 2025 मध्ये मौजा दिरंगी-फुलनार जंगल परिसरात पोलीसांसोबत झालेल्या चकमकीमध्ये त्याचा सहभाग होता. या चकमकीत गडचिरोली पोलीस दलाचे एक जवान शहीद झाले होते.
जाळपोळ - 01) सन 2023 मध्ये मौजा मुरुमभुशी-मरकनार मार्गावरील रस्ता बांधकाम बंद करण्याच्या हेतूने कामावरील वाहनांची जाळपोळ करण्यात त्याचा प्रत्यक्ष सहभाग होता.
2) रमा दोहे कोरचा ऊर्फ डुम्मी
दलममधील कार्यकाळ
■ सन 2011 पासून चेतना नाटयमंच मध्ये भरती होऊन सन 2013 पर्यंत काम केले.
■ सन 2013 पासून सन 2023 पर्यंत गट्टा दलममध्ये सदस्य पदावर काम करत होती.
■ सन 2023 मध्ये भामरागड दलममध्ये बदली होऊन आजपावेतो कार्यरत होती.
कार्यकाळात दाखल गुन्हे : -
तिच्यावर आजपर्यंत एकुण 12 गुन्हे दाखल असून त्यामध्ये 08 चकमक व 04 खून इ. गुन्ह्रांचा समावेश आहे.
कार्यकाळात केलेले गुन्हे - चकमक- 08
★ सन 2019 मध्ये मौजा कोपर्शी जंगल परिसरात पोलीसांसोबत झालेल्या चकमकीमध्ये तिचा सक्रिय सहभाग होता.
★ सन 2019 मध्ये मौजा मोरोमेट्टा जंगल परिसरात पोलीसांसोबत झालेल्या चकमकीमध्ये तिचा सक्रिय सहभाग होता.
◆ सन 2020 मध्ये मौजा पोयारकोठी जंगल परिसरात पोलीसांसोबत झालेल्या चकमकीमध्ये तिचा सक्रिय सहभाग होता. या चकमकीमध्ये गडचिरोली पोलीस दलाचे 01 अधिकारी व 01 जवान शहीद झाले होते.
★ सन 2021 मध्ये मौजा कोपर्शी जंगल परिसरात पोलीसांसोबत झालेल्या चकमकीमध्ये तिचा सक्रिय सहभाग होता.
★ सन 2022 मध्ये मौजा पेनगुंडा जंगल परिसरात पोलीसांसोबत झालेल्या चकमकीमध्ये तिचा सक्रिय सहभाग होता.
★ सन 2023 मध्ये मौजा हिक्केर जंगल परिसरात पोलीसांसोबत झालेल्या चकमकीमध्ये तिचा सक्रिय सहभाग होता.
★ सन 2024 मध्ये मौजा कोपर्शी जंगल परिसरात पोलीसांसोबत झालेल्या चकमकीमध्ये तिचा सक्रिय सहभाग होता.
★ दि. 11 फेब्राुवारी 2025 मध्ये मौजा दिरंगी-फुलनार जंगल परिसरात पोलीसांसोबत झालेल्या चकमकीमध्ये तिचा सहभाग होता. या चकमकीत गडचिरोली पोलीस दलाचे एक जवान शहीद झाले होते.
खून - 04
★ सन 2020 मध्ये मौजा कोठी येथे झालेल्या पोलीस अंमलदार दुशांत नंदेश्वर यांच्या खुनात तिचा सक्रिय सहभाग होता.
★ सन 2021 मध्ये मौजा कोठी येथील निरपराध इसम नामे विनोद मडावी याचे हत्येमध्ये तिचा सक्रिय सहभाग होता. सन 2023 मध्ये मौजा टिटोळा येथील निरपराध इसम नामे लालसू वेळदा याचे हत्येमध्ये तिचा सक्रिय सहभाग होता.
★ माहे फेब्राुवारी 2025 मध्ये मौजा कियेर, भामरागड येथे झालेल्या माजी पंचायत सभापती सुखराम मडावी यांच्या हत्येमध्ये तिचा सक्रिय सहभाग होता.
शासनाने जाहिर केलेले बक्षीस : -
1) महाराष्ट्र शासनाने केलु पांडुू मडकाम ऊर्फ दोळवा याच्या अटकेवर 06 लाख रूपयाचे बक्षीस जाहिर केले होते.
2) महाराष्ट्र शासनाने रमा दोहे कोरचा ऊर्फ डुम्मी हिच्या अटकेवर 02 लाख रूपयाचे बक्षीस जाहिर केले होते.
सदरची कारवाई विशेष पोलीस महानिरीक्षक (नक्षलविरोधी अभियान) श्री.संदिप पाटील,पोलीस उप-महानिरीक्षक गडचिरोली परिक्षेत्र श्री. अंकित गोयल, पोलीस अधीक्षक गडचिरोली श्री.नीलोत्पल,श्री दाओ इंजिरकान कींडो,कमांडंट 37 बटा. सिआरपीएफ, अपर पोलीस अधीक्षक (अभियान) श्री.यतिश देशमुख,अपर पोलीस अधीक्षक (प्रशासन) श्री.एम.रमेश, पोलीस उप-अधीक्षक (अभियान) श्री.विशाल नागरगोजे व
उपविभागीय पोलीस अधिकारी भामरागड श्री. अमर मोहिते यांचे मार्गदर्शनाखाली पोस्टे भामरागड येथील जवानांनी पार पाडली. तसेच पोलीस अधीक्षक श्री. नीलोत्पल यांनी माओवाद्यांना माओवादाची हिंसक वाट सोडून आत्मसमर्पण करुन सन्मानाने जीवन जगण्याचे आवाहन केले आहे.
