सोशल मीडियावर दंगली संदर्भात आक्षेपार्ह मजकूर किंवा व्हिडिओ तुम्ही तर दंगली संदर्भात कुठली पोस्ट केली नाही ना…
★ सोशल मीडियावरील 272 अकाऊंट धारकांवर गुन्हे दाखल.
एस.के.24 तास
नागपूर : नागपूरमध्ये महाल भागात दंगल उसळली झाली. या काळात आणि नंतरही अनेक जण सोशल मीडियावरुन पोस्ट करीत आहेत. मात्र, भावनिक होऊन फेसबुक, इंस्टाग्राम, ट्वीटर आणि अन्य सोशल मीडियावर आपल्या भावना व्यक्त करु नका. कारण, शहरात उसळलेल्या दंगल काळात चिथावणीखोर मजकूर, फोटो, व्हिडिओ पोस्ट करणाऱ्या 272 सोशल मीडियावरिल हँडल वापरणाऱ्यांवर नागपूर सायबर पोलिसांनी गुन्हे दाखल केले आहे.
गेल्या पाच दिवसात सायबर पोलिसांनी जवळपास 300 पेक्षा जास्त सोशल मीडिया अकाऊंट तपासले. त्यावर हिंदू आणि मुस्लीम दंगल भडकविण्यास प्रोत्साहन मिळण्यास कारणीभूत ठरणाऱ्या पोस्ट आहेत.
दंगलीस प्रोत्साहन देणारे अडचणीत शहरातील आणि शहराबाहेरील फेसबुक,इंस्टाग्राम अकाऊंटवरुन दंगलीस प्रोत्साहन देणाऱ्या पोस्ट आहेत.बांगलादेश लिहून असलेल्या फेसबुक पेजवरुनही दंगलीसाठी प्रोत्साहन देणारा काही आक्षेपार्ह मजूर आढळून आला आहे.
त्यामुळे बांगलादेशचे नाव नागपूर दंगलीशी जुळले आहे. तसेच काही दंगल घडवून आणण्यास कारणीभूत ठरणारे पोस्टही सोशल मीडियावर पोलिसांना आढळून आल्या आहेत.त्यावरही पोलीस कारवाई करीत आहेत.
