मुल जवळील रामपूर येथील जनावरांना चराईसाठी जंगलात घेऊन गेलेल्या एका गुराख्यावर वाघाने हल्ला करून केले ठार.
एस.के.24 तास
मुल : जनावरांना चराईसाठी जंगलात घेऊन गेलेल्या एका गुराख्यावर वाघाने हल्ला करून ठार केले.ही घटना सोमवारी दुपारी घडली.त्याच्या मृतदेहाचे अवशेष बफर झोनच्या कक्ष क्रमांक ७५६ मधिल नियत क्षेत्र काटवन मध्ये मंगळवारी सकाळी सापडले.
मृत गुराख्याचे नाव बंडू चिंधूजी कोल्हे वय,56 वर्ष असे आहे.गुराखी मुल जवळील रामपूर या गावातील रहिवासी होता. या घटनेने गावात खळबळ उडाली. मानव वन्यजीव संघर्षात आणखी एक गुराखी बळी पडल्याने जनावरांच्या चराईचा प्रश्न ऐरणीवर आला आहे.नेहमी प्रमाणे बंडू कोल्हे हे रामपूर आणि मुल येथील जनावरे व शेळ्या घेऊन जंगलात चराईसाठी गेले होते.
काही शेळ्या भटकल्याने ते शोधात होते. त्यांनी आपल्या पत्नीशी संवाद साधून शेळ्या घरी आल्या का, याबाबत विचारपूस केली होती. रामपूर ते करून काटवन हा बफर झोनचा परिसर घनदाट जंगलाचा आहे. या परिसरात वाघाचे वास्तव्य आहे. दबा धरून बसलेल्या वाघाने हल्ला केला. संध्याकाळी गायी, म्हशी आणि शेळ्या न चुकता घरी परतल्या.बंडू कोल्हे परतले नाही.
