वाहन चोरीच्या गुन्ह्यात असलेल्या आरोपीस गडचिरोली पोलीसांनी केले जेरबंद ; एकुण 1,25,000/- रुपयांचा मुद्देमाल जप्त.
एस.के.24 तास
गडचिरोली : सविस्तर वृत्त असे आहे की,देसाईगंज पोलीस स्टेशन येथे अपराध क्रमांक 21/2025 कलम 303(2) भारतीय न्याय संहीता व अपराध क्रमांक 128/2024 कलम 379 भादवि अन्वये वाहन चोरीबाबात गुन्हा दाखल करण्यात आलेला होता.
सदर गुन्हातील आरोपीचा शोध घेतले असता मिळून आले नाही.याबाबत दि.18 जानेवारी 2025 रोजी सदर गुन्हयाचे तपासी अधिकारी सपोनि.संदीप आगरकर यांना गोपनिय बातमीदाराकडुन खात्रीशीर माहिती मिळाली की, इसम नामे तरुण उर्फ तुषार राजू बुजेवार वय,22 वर्ष हा हनुमान वार्ड देसाईगंज जि.गडचिरोली याने आपल्या राहत्या घरी दोन चोरीचे दुचाकी वाहन लपवून ठेवलेले आहेत व ते वाहन कोणाला तरी विकण्याच्या तयारीत आहे.
अशा मिळालेल्या माहिती वरुन वरिष्ठांच्या मार्गदर्शनाखाली 10.30 वा. सपोनि.संदीप आगरकर हे पोलीस पथकासह सदर ठिकाणी रवाना झाले.
सदर ठिकाणी पोहचताच आरोपीस नमुद गुन्हयात ताब्यात घेऊन विचारपूस केले असता आरोपीने उडवा-उडवीची उत्तरे दिली.आरोपीकडे वाहनाच्या कागदपत्राबाबत सखोल चौकशी केली असता त्याबाबत त्याने कुठलेही स्पष्टीकरण दिले नाही.
त्यानंतर पोस्टे येथील अभिलेख तपासले असता,वाहन क्र. 1) एम.एच.35ए.एल.6170 काळया रंगाची हीरो कंपनीची स्प्लेंडर प्लस मोटर सायकल ही पोस्टे दाखल अप. क्र. 21/2025 कलम 303(2) भा.न्या.सं. गुन्हयातील चोरीस गेलेला वाहन असून किंमत अंदाजे 80,000/- रुपये असल्याचे दिसून आले.
तसेच वाहन क्र. 2) एम.एच.33 यु 3930 होंडा शाईन ही पोस्टे. दाखल अप. क्र. 128/2024 कलम 379 भादवि किंमत अंदाजे 45,000/- रुपये मधील असल्याचे आढळून आले.
त्यानंतर नमुद गुन्हयामध्ये आरोपी नामे तरुण उर्फ तुषार राजू बुजेवार वय,22 वर्ष याचा सहभाग असल्याचे निष्पन्न झाल्याने आरोपीच्या ताब्यातील दोन्ही दुचाकी वाहन अंदाजे किंमत 1,25000/- रू. चा मुद्देमाल जप्त करुन नमुद गुन्ह्रात त्याला अटक करुन माननीय प्रथम श्रेणी न्यायालय देसाईगंज यांच्या समक्ष हजर करण्यात आले. मा.न्यायालयाने त्याला 2 दिवस पोलीस कोठडी सुनावली आहे.
अधीक तपासात असे दिसून आले की,सदर अटक आरोपी हा पोलीस ठाणे ब्रम्हपुरी जि.चंद्रपूर येथील एका खुनाच्या गुन्हयातील रेकॉर्ड वरील आरोपी आहे.
सदरची कारवाई पोलीस अधीक्षक श्री. नीलोत्पल, अपर पोलीस अधीक्षक (अभियान) श्री.यतिश देशमुख, अपर पोलीस अधीक्षक (प्रशासन) श्री. एम. रमेश, अपर पोलीस अधीक्षक अहेरी डॉ. श्रेणिक लोढा तसेच उपविभागीय पोलीस अधिकारी कुरखेडा श्री. रवींद्र भोसले यांच्या मार्गदर्शनाखाली पोस्टे देसाईगंज येथील पो.नि. अजय जगताप, यांच्या नेतृत्वात सपोनि,संदीप आगरकर,सपोनि.मनीष गोडबोले,पोअं/विलास बालमवार, पोअं/नितेश कढव, पोअं/सतीश बैलमारे पोअं/रोशन गरमडे यांनी पार पाडली.
