मुल तालुक्यातील मरेगाव वाघाच्या हल्ल्यात शेतकरी गंभीर जखमी.
डॉ.आनंदराव कुळे - मूल शहर प्रतिनिधी
मुल : मौजा मरेगाव येथील अल्पभूधारक शेतकरी महात्मा जनार्धन वय,53 वर्ष हे नेहमीप्रमाणे आपल्या जनावरांना चराईसाठी शेतशिवारात घेऊन गेले असता दबा धरून बसलेल्या वाघाने आज दुपारी 1 वाजताच्या सुमारास त्यांच्यावर हल्ला केला. या हल्ल्यात ते गंभीर जखमी झाले आहेत.
घटनेची माहिती मिळताच गावकऱ्यांनी घटनास्थळी धाव घेतली आणि त्यांना तातडीने ग्रामीण उपजिल्हा रुग्णालय,मुल येथे दाखल केले. मात्र, प्रकृती गंभीर असल्याने पुढील उपचारासाठी त्यांना जिल्हा रुग्णालय, चंद्रपूर येथे हलविण्यात आले आहे.
मरेगाव परिसरात वाघाच्या हल्ल्याच्या घटना सतत घडत असून नागरिकांमध्ये भीतीचे वातावरण निर्माण झाले आहे. गावकऱ्यांनी हिंसक वाघाचा त्वरित बंदोबस्त करण्याची तसेच शेतकऱ्याला आर्थिक मदत देण्याची मागणी केली आहे. प्रशासनाने या घटनेची तातडीने दखल घेऊन उपाययोजना करावी,अशी मागणीही होत आहे.
