मुल तालुक्यातील विरई (पेठ) येथिल ट्रॅक्टर च्या धडकेत पती ठार,पत्नी व दोन मुले गंभीर जखमी.
राजेंद्र वाढई - उपसंपादक
मुल : तालुक्यातील लान येथे नातेवाईकांच्या स्वागत समारंभासाठी जात असताना दुचाकी स्वाराला गावातील वळणावर ट्रॅक्टरची जोरदार धडक बसली.या अपघातात पती जागीच ठार झाला,तर पत्नी व दोन मुले गंभीर जखमी झाल्याची घटना बुधवारी सायंकाळी 7:00 वा.च्या सुमारास घडली.
गणेश गजानन गिरडकर वय,38 वर्ष रा.विरई (पेठ) असे अपघातात मृत्यू झालेल्या व्यक्तीचे नाव आहे. त्यांच्या पत्नी,निराशा गणेश गिरडकर वय,30 वर्ष,मुलगा ऋषभ वय,10 वर्ष आणि श्रेयस वय,5 वर्ष हे गंभीर जखमी झाले आहेत.
जखमींना मूल येथील उपजिल्हा रुग्णालयात प्राथमिक उपचारांनंतर चंद्रपूरच्या खासगी रुग्णालयात हलविण्यात आले आहे.या प्रकरणाचा पुढील तपास मुल पोलीस करीत आहेत.
