ट्रॅक्टर व दुचाकी च्या भीषण अपघातात 2 ठार तर 1 जण जखमी.
एस.के.24 तास
कुरखेडा : मालवाहतूक करणाऱ्या ट्रॅक्टर व दुचाकीची समोरासमोर धडक होऊन झालेल्या भीषण अपघातात दोघेजण ठार तर एकजण जखमी झाल्याची घटना गुरुवार 14 नोव्हेंबर रोजी सकाळी 09.00 वाजताच्या सुमारास उराडी येथील कुथे पाटील हायस्कूल जवळ घडली. ट्रॅक्टर चालक रोहीत नरोटे वय,30 वर्ष रा. तूलतूली ता.आरमोरी व दुचाकीस्वार महेंद्र दूगा वय, 30 वर्षं रा.काकडयेली (दूधमाळा) ता.धानोरा असे अपघातात ठार झालेल्यांची नावे आहे.
मिळालेल्या माहिती नुसार MH 33 F 3280 क्रमांक च्या ट्रॅक्टरने मोठे दगड वाहतूक करीत होता तर MH 33 य 5453 क्रमांक च्या दुचाकीने दुचाकीने 2 जण जात असताना दुचाकी व ट्रॅक्टर ची उराडी येथील कूथे पाटील हायस्कूल नजीक समोरासमोर जबर धडक बसली.या भीषण अपघातात ट्रॅक्टर पलटी झाली.
सोनसरी येथील डोंगरा वरून चव्हेला डॅम च्या बांधकामाकरीता मोठ्या दगडाची वाहतूक करणारा ट्रॅक्टर कूथे पाटील हायस्कूल उराडी जवळ मुख्यरस्त्यावर काही शेतकऱ्यांनी धान पीक वाळविण्याकरीता धानाची रास पसरवलेली होती या धानाचा राशीवरून घसरत ट्रॅक्टर व दुचाकीची समोरासमोर धडक होत हा अपघात झाल्याची माहीती आहे.
अपघात घडला यावेळी ट्रॅक्टर इंजन वरुन उडी मारत असताना पलटत असलेल्या ट्राली मधील मोठे दगड ट्रॅक्टर चालकाला लागल्याने ट्रॅक्टर चालकाचा मृत्यु झाला तर ट्रॅक्टरच्या धडकेत दुचाकीस्वाराचा मृत्यु झाला अशी माहिती प्रत्यक्षदर्शीनी दिली आहे.
घटनेची माहिती मिळताच कुरखेडा पोलीसानी घटणास्थळावर पोहचत प्रेत उत्तरीय तपासणी करीता उपजिल्हा रुग्णालय कुरखेडा येथे पाठविले.
