राष्ट्रीय शहिद दिन साजरा.
मुनिश्वर बोरकर गडचिरोली
गडचिरोली : राष्ट्रीय आदिवासी एकता परिषद,बामसेफ व आफसुट विंगच्या वतीने राष्ट्रीय शहिद विर बाबुराव शेडमाके यांचा राष्ट्रीय शहिद दिन साजरा करण्यात आला . या कार्यक्रमाचे अध्यक्ष भोजराज कान्हेकर बामसेफचे जिल्हाध्यक्ष हे होते.
प्रमुख मार्गदर्शक ज्योती आत्राम जिल्हा प्रभारी राष्ट्रीय आदिवासी एकता परिषद , प्रमोद बांबोळे जिल्हाध्यक्ष प्रोटान , प्रमोद राऊत एम . एन टिव्ही चॅनल हे होते .
कार्यक्रमाचे अध्यक्ष भोजराज कान्हेकर बामसेफ जिल्हाध्यक्ष म्हणाले की, विर बाबुराव शेडमाके हे मुलनिवासींची जल , जंगल ,जमीन वाचविण्यासाठी फासावर गेले पण इंग्रजांची शरणांगती स्विकारली नाही . याचा आदर्श मुलनिवासी बांधवांनी घेऊन आपला गुलामितून मुक्त होण्यासाठी संघर्ष करावे . ज्योती आत्राम जिल्हा प्रभारी राष्ट्रीय आदिवासी एकता परिषद म्हणाल्या की , आदिवासी समाज हा अज्ञानी व साधाभोळा आहे . त्यामुळे या समाजाची फसवणूक केली जाते . नरेश बांबोळे जिल्हाध्यक्ष प्रोटान म्हणाले की,
विर बाबुराव शेडमाके यांचा आदर्श समाजाने घेऊन आपली विरासत वाचविण्यासाठी लढले पाहिजे तरच समाजाची प्रगती होईल . . प्रमोद राऊत एम . एन . टिव्ही चॅनल म्हणाले की , आदिवासी समाजाचे विस्थापन मोठ्या प्रमाणात विकासाच्या नावावर केले जात आहे . त्याचे विस्थापन थांबविणे आवश्यक आहे संचालन यज्ञराज जनबंधू यांनी केले तर आभार आनंद अलोणे यांनी मानले.
