वरोरा तालुक्यातील शेगाव बु. येथे पोटच्या 9 महिने च्या बाळाला विष पाजले ; स्वतः घेतला गळफास घेऊन आत्महत्या केली.
एस.के.24 तास
वरोरा : वरोरा तालुक्यातील शेगाव बु.येथील एका 27 वर्षीय विवाहीत महिलेने आपल्या 9 महिन्यांच्या बाळाला विष पाजल्यानंतर स्वत : गळफास घेत आत्महत्या केल्याची घटना शुक्रवारी दुपारी 1.30 वाजता च्या सुमारास घडली.
पल्लवी मितेश पारोधे वय,27 वर्ष असे मृत महिलेचे नाव आहे.स्मित मितेश पारोधे 9 महिने असे मुलाचे नाव असून त्याची प्रकृती अत्यंत चिंताजनक असल्याने चंद्रपुरातील एका खाजगी रुग्णालयात त्याच्यावर उपचार सुरू आहेत.
वरोरा तालुक्यातील शेगाव बु.येथील पारोधे कृषी केंद्राचे संचालक,नितेश पारोधे यांचे दोन वर्षांपूर्वी यवतमाळ जिल्ह्यातील मारेगाव येथील पल्लवी विनोद ढोके या युवतीसोबत लग्न झाले.त्यांना 9 महिन्यांचा स्मित नावाचा मुलगा आहे.शुक्रवारी दुपारी 1.30 वाजताच्या सुमारास नितेश पारोधे यांना मुलगा घरातच बेशुद्ध तर पत्नी पल्लवीने गळफास लावल्याचे आढळून आले.
ही माहिती शेगाव पोलिसांना मिळताच शेगाव पोलीस स्टेशनचे ठाणेदार योगेंद्र सिंह यादव यांनी तात्काळ घटनास्थळ गाठून पंचनामा करीत पल्लवीचा मृतदेह शवविच्छेदनासाठी उपजिल्हा रुग्णालय वरोरा येथे पाठविण्यात आला.तर, अत्यवस्थ असलेल्या स्मितला उपचारासाठी खाजगी रुग्णालयात दाखल करण्यात आले आहे.
आत्महत्येचे नेमके कारण अद्याप स्पष्ट झाले नाही.मृत मुलीच्या कुटुंबियांनी सासरकडून तिला शारीरिक व मानसिक त्रास सुरू झाला होता.तसेच पैशासाठी नेहमी त्रास दिला जात होता.ही आत्महत्या नसून माझ्या मुलीची तिचे पती व सासू यांनीच हत्या केली असल्याचा आरोप मुलीचे वडील विनोद श्रीहरी ढोके यांनी केला आहे. दरम्यान वरोरा पोलिसांनी घटनेचे गांभीर्य लक्षात घेत तपासाला सुरुवात केली आहे.