आंबेशिवणी येथील महिला तेंदूपत्ता तोडण्यासाठी गेली असता वाघाने हल्ला करून केले ठार.
एस.के.24 तास
गडचिरोली : गडचिरोली मुख्यालयापासून दहा किलोमीटर अंतरावर असलेल्या आंबेशिवणी जवळील बामणी बीट क्रमांक 411 मध्ये आज वाघाने केलेल्या हल्ल्यात 64 वर्षीय महिला ठार झाल्याची घटना घडली आहे.प्राप्त माहितीनुसार सदर महिला हि तेंदूपत्ता तोडणी करिता पहाटेला जंगलामध्ये गेली होती जंगलात दबा धरून बसलेल्या वाघाने तिच्यावर हल्ला चढवला व तिला ठार केले.
मृतक महिलेचे नाव पार्वता बालाजी पाल वय,64 वर्ष रा. आंबेशिवणी आहे.सदर घटनेची माहिती गडचिरोली वन विभागाला देण्यात आलेली असून वन विभागाची टीम आंबेशिवणी येथील बामणी बीट मध्ये दाखल होऊन पंचनामा व पुढील कारवाई करत आहे.
या घटनेमुळे परिसरात दहशतीचे वातावरण तयार झालेले आहे सदर प्रकरणाची दखल घेत वन विभागाने मृतकाच्या परिवाराला तात्काळ आर्थिक मदत करावी अशी मागणी गावकऱ्यांनी केले आहे.या परिसरात वावरत असणाऱ्या वाघाचा तात्काळ बंदोबस्त करावा अशी मागणी सुद्धा याप्रसंगी नागरिकांनी केलेली आहे.
सदर मृतक महिलेचे शवविच्छेदन करण्यासाठी जिल्हा सामान्य रुग्णालय गडचिरोली येथे नेण्यात आले आहे.
