उमा नदीच्या उश्राळा घाटावर रेती उपसा करताना महसुल विभागाच्या पथकाने चार ट्रॅक्टर ताब्यात.अवैद्य रेती व्यासायीकांचे धाबे दणाणले आहे.

 

उमा नदीच्या उश्राळा घाटावर रेती उपसा करताना महसुल विभागाच्या पथकाने चार ट्रॅक्टर ताब्यात.अवैद्य रेती व्यासायीकांचे धाबे दणाणले आहे.

राजेंद्र वाढई - उपसंपादक

मुल : तालुक्यातील मारोडा- पेटगांव मार्गावरील उश्राळा गावालगत असलेल्या उमानदीच्या घाटावरून मोठया प्रमाणांत रेतीचे उत्खनन होत असल्याची गुप्त माहिती महसुल विभागाला मिळाली.

मिळालेल्या माहितीच्या आधारे रेती उपसा करणा-यांवर आळा घालण्यासाठी नायब तहसिलदार नंदकिशोर कुमरे यांचे नेतृत्वात भरारी पथक तयार करण्यांत आले.तयार करण्यात आलेल्या भरारी पथकातील मंडल अधिकारी,संजय कानकाटे, दिपक गोहणे,तलाठी,शंकर पिदुरकर आणि महेश पेंदोर यांनी आज पहाटे 4 वाजता पासून उश्राळा रेती घाटालगत पाळत ठेवली. 

पाळतीवर असतांना चार ट्रॅक्टर सदर रेती घाटावर रेतीचा उपसा करण्यासाठी आले.दरम्यान 8.40 वा.चे दरम्यान भरारी पथकाने धाड मारत रेतीने भरलेले तीन आणि रेती भरण्याचे उद्देशाने उभा असलेला एक असे चार ट्रॅक्टर ताब्यात घेतले.

 ताब्यात घेतलेल्या ट्रॅक्टरची अधिक माहिती घेतली असता सदर ट्रॅक्टर मारोडा येथील सचिन गुरनूले,विकास चौधरी,बाळु मंडलवार आणि श्रीकोंडावार यांच्या मालकीचे असल्याचे समजले. भरारी पथकाने ताब्यात घेतलेले ट्रॅक्टर तहसिल कार्यालयात आणले असून नियमानुसार कारवाई करण्यांत येत आहे.

ताब्यात घेतलेल्या ट्रॅक्टर पैकी दोन ट्रॅक्टरवर नंबर प्लेट नसुन बांधकाम पुर्ण करण्यासाठी अनेकांना रेतीची आवश्यकता असल्याची संधी साधुन तालुक्यातील अनेक मंडळी रेतीचा अवैद्य व्यवसायात गुंतले आहेत.

रेतीचा अवैद्य उपसा करतांना तीन ट्रॅक्टर ताब्यात घेतले, महसुल विभागाच्या भरारी पथकाच्या कारवाईने रेती व्यावसायीकांचे धाबे दणाणले