सुरजागड लोहखनिज वाहतूक करणाऱ्या भरधाव ट्रकची दुचाकीला धडक.
★ भीषण अपघातात एकाच कुटुंबातील तिघे ठार,एक गंभीर.
एस.के.24 तास
गडचिरोली : लोहखनिज वाहतूक करणाऱ्या भरधाव ट्रकने दुचाकीला दिलेल्या धडकेत एकाच कुटुंबातील दुचाकी वरील तिघे जागीच ठार झाले.तर एक गंभीर जखमी आहे. ही घटना २५ सप्टेंबरला दुपारी ४ वाजे च्या सुमारास घडली.मृतांत आई- मुलासह चुलत सासूचा समावेश आहे.एकाच कुटुंबातील तिघे गतप्राण झाल्याने मार्कंडा गावावर शोककळा पसरली आहे.
प्रियंका गणेश जनध्यालवार वय,२४ वर्ष ,रुद्र गणेश जनध्यालवार वय,५ वर्ष व भावना नरेंद्र जनध्यालवार (४५) अशी मृतांची नावे आहेत.नरेंद्र नरेश जनध्यालवार (५२) हे जखमी आहेत. मार्कंडादेव ता.चामोर्शी येथील हे कुटुंब कामानिमित्त तहसील कार्यालयात आले होते.
काम आटोपून दुपारी ४ वाजता दुचाकीवरुन (एमएच ३३ के-३१३५) गावी जाण्यासाठी निघाले.याचवेळी सुरजागड येथून लोहखनिज घेऊन ट्रक (सी.जी.०८ एयू- ९०४५) येत होता. या ट्रकने तहसील कार्यालयासमोर दुचाकीला चिरडले. दुचाकी समोरील चाकाखाली सापडल्यानंतर १० तेे १५ फूट फरफटत गेली. रुद्र व भावना यांचा जागीच मृत्यू झाला, तर प्रियंका यांनी जिल्हा रुग्णालयात उपचारादरम्यान प्राण सोडले. नरेंद्र जनध्यालवार यांची मृत्यूशी झुंज सुरु आहे.