1 मे च्या पूर्व संध्येला गडचिरोली पोलीस दलाच्या C-60 जवानांचा धमाका 3 नक्षलवाद्यांचा खात्मा.
एस.के.24 तास
भामरागड : भामरागड तालुक्यातील केडमारा जंगल परिसरात पोलीस नक्षल चकमकीत तीन जहाल नक्षल्यांना कंठस्नान घालण्यात गडचिरोली पोलीस दलाला यश प्राप्त झाले आहे.
मिळालेल्या माहितीच्या आधारे जंगल परिसरात शोध मोहीम राबवित असताना धबा धरून बसून असलेले नक्षल्यांनी पोलिसांच्या दिशेने अंधाधुं गोळीबार सुरु केला त्याला प्रत्युत्तर देत पोलिसांनी देखील गोळीबार केला गोळीबारानंतर शोध मोहिमे दरम्यान शस्त्रे आणि इतर साहित्यासह तीन नक्षल पुरुषांचे मृतदेह सापडले आहेत.
पेरिमिली दलमचा कमांडर बिटलू मडावी याचा एक मृतदेह आणि इतर दोन मृतदेह पेरिमिली दलमच्या वासू आणि अहेरी दलमच्या श्रीकांत याचे असल्याचे प्राथमिक माहिती वरून स्पष्ट झाले आहे आणि ठार झालेला वासू याला पेरिमिली एलओएसच्या 2023 मध्ये डीव्हीसीएम पदावर आणि श्रीकांत याला उपपदावर पदोन्नती देण्यात आली होती.
अहेरी LOS चे कमांडर ज्याची पडताळणी केली जात आहे.तसेच बिटलू मडावी हा यावर्षी 9 मार्च रोजी विद्यार्थी साईनाथ नरोटे याच्या हत्येसह फेब्रुवारी/मार्च 2023 मध्ये विसामुंडी आणि आलेंगा येथे रस्ते बांधकाम, उपकरणांची जाळपोळ करण्याच्या दोन घटनांमध्ये मुख्य आरोपी होता.
परिसरात नक्षल विरोधी शोध मोहीम अधिक तीव्र करण्यात आले असल्याची माहिती जिल्हा पोलीस अधीक्षक,नीलोत्पल यांनी एस.के.24 तास न्युज चॅनल शी बोलताना दिली.
