ग्रामपंचायत येवली येथे बूस्टर लसीकरण.
एस.के.24 तास
गडचिरोली : ग्रामपंचायत येवली व प्राथमिक आरोग्य पथक येवली, यांच्या वतीने कोविड लसीकरण शिबिराचे आयोजन करण्यात आले असून, ग्रामपंचायत अंतर्गत येणाऱ्या नागरिकांना बूस्टर डोजचे लसीकरण करण्यात आले. सतत दोन वर्षे कोरोना महामारीने थैमान घातल्याने नागिकांचे जनजीवन विस्कळीत झाले होते, कोरोनाचा प्रादुर्भाव टाळण्यासाठी कोव्हक्सीन, कोविड शिल्ड असे दोन डोजचे लसीकरण करण्यात आले होते , स्थानिक ग्रामपंचायत व आरोग्य विभागाच्या वतीने बूस्टर डोज तिसरे लसीकरण करण्यात आले. शिबिराला सरपंच युवराज भांडेकर, ग्रामविकास अधिकारी पुरुषोत्तम बनपूरकर, ग्रा. प. सदस्य चोखाजी बांबोळे, बंडू खोब्रागडे, ग्रामपंचायत कर्मचारी, आरोग्य विभागाचे कर्मचारी व आशा वर्कर उपस्थित होते. ग्रामपंचायत अंतर्गत बहुसंख्य नागरिकांनी बूस्टर लसीकरण करून घेतले.
