वाघाच्या हल्ल्यात गुऱ्हाखी जखमी.
राजेंद्र वाढई!उपसंपादक!एस.के.24 तास
मुल : तालुक्यातील बफरझोन क्षेत्रात असलेल्या फुलझरी येथील जंगलात गुऱ्हे चराईसाठी नेलेल्या गुऱ्हाख्याला वाघाने हल्ला करून गंभीर जखमी केल्याची घटना (११ सप्टे.) सकाळी ११.३० वाजता घडली.
किसन आबाजी वसाके (४९) असे जखमी गुऱ्हाख्याचे नाव आहे. सदर घटना डोनी बिट ३ कक्ष क्रमांक ३६० मध्ये घडली. नेहमीप्रमाणे जंगलात गुऱ्हे चराईसाठी नेले असता दबा धरून असलेल्या वाघाने हल्ला करून गंभीर जखमी केले. घटनेची माहिती मिळताच वनरक्षक बोरकर यांनी आपल्या कर्मचाऱ्यांच्या सहकार्याने जखमी गुऱ्हाख्याला मुल येथील उपजिल्हा रुग्णालयात दाखल केले. मात्र गंभीर जखमी असल्याने पुढील उपचाराकरिता चंद्रपूर जिल्हा सामान्य रुग्णालयात हलविण्यात आले.
