वाढदिवस विशेष...
राज्य पत्रकार संघाचे 'सर्वमान्य नेतृत्व' मान.वसंत मुंडे
लेखन :- प्रा.महेश पानसे,विदर्भ अध्यक्ष,राज्य पत्रकार संघ
एस.के.24 तास
मुल : 'सर्वमान्य नेतृत्व' ठरलेल्या व्यक्तींबद्दल विशेष सांगायचे वा लिहायचे म्हणजे निव्वळ औपचारिकता ठरेल मात्र महाराष्ट्र राज्यातच नव्हे तर गोवा, कर्नाटक, गुजरात ते दिल्ली पर्यंत राज्य पत्रकार संघाचे सेनापती पदाचे काटेरी मुकूट परिधान करून सर्वमान्य नेतृत्व हे बिरूद लाभलेल्या मान. वसंत मुंडे साहेबांची पत्रकार सुष्टीच्या प्रत्येक घटकांबाबत असलेली आंतरीक तळमळ पुढयात यावी व संघटनेतील प्रत्येक घटकाने ही तळमळ अंगीकारावी हिच खर्‍या अर्थाने मान. मुंडे साहेबांना वाढदिवसाची मनस्वी शुभेच्छा ठरेल.
मान. संजय भोकरे यांच्या मार्गदर्शनात पत्रकार संघ सांभाळण्याची सक्षमता व सहजता लाभलेल्या पहिल्या फळीतील दोन मुत्सद्धांना मी अनुभवले आहे. मान. वसंत मुंडे व मान. विश्वासराव आरोटे. कर्तृत्व व नेतृत्व याचा सहज ताळमेळ व यातून अलंकारीत झालेले सर्वमान्य नेतृत्व वसंत मुंडे नामक व्यक्तिमत्व पत्रकारांना आदर्शवत ठरावेत असेच आहे.
पत्रकार संघाचे खऱ्या अर्थाने नेतृत्व करणार्‍यांना सतत काटेरी मुकुट शिरावर घेऊन मागेपुढे करावे लागते. प्रचंड उर्जा खर्च करावी लागते कारण पत्रकारांचे ,पत्रकारितेती घटकांचे प्रश्न सोडविताना पुढे पुन्हा अनेक प्रश्न उभे ठाकतात व प्रश्‍नांची उकल करून शासन दरबारी उत्तर सुद्धा आपणच सादर करावी लागतात. या विचित्र चक्रव्यूहातून स्वतःसोबत संपूर्ण संघाला सावरून सन्मानित करण्याचे श्रेय मा. मुंडे साहेबांना जाते व यामुळेच ते 'सर्वमान्य नेतृत्व' ठरले आहे.
राज्य पत्रकार संघात "Quantity व Quality" यांची सांगड घालण्यात प्रदेशाध्यक्ष मान. वसंत मुंडे यांचा मोठा वाटा आहे. पत्रकार सुष्टीच्या समस्या शासनस्तरावर सतत भांडून सोडवाव्या लागतात. एकीकडे शासन दरबारी भांडताना दुसरीकडे सामाजिक सहकार्य संघटनेच्या माध्यमातून विविध उपक्रमातून पदरी पाडून घेण्याचे महतकार्य मान. वसंत मुंडे साहेब यांनी केले आहे. राज्य पत्रकार संघ 365 दिवस वेगवेगळ्या सामाजिक उपक्रमातून आपली सामाजिक बांधिलकी जोपासत आहे.
मान.वसंत मुंडे साहेबांची अभ्यासू वृत्ती, शिस्तप्रियता, कल्पकता, जिद्द मेहनत ,क्षमता किंबहुना एकत्रित व्यक्तिमत्व व संघातील हजारो पदाधिकारी व सदस्यांना लाभणारे त्यांचे मार्गदर्शन हे आमचे सौभाग्य. त्यांच्या कथनी व करणीतून वृत्तपत्र सृष्टीतील प्रत्येक घटकाला ऊर्जा मिळत आहे.
'सर्वमान्य नेतृत्व' ठरलेल्या मान. वसंत मुंडे साहेबांना दीर्घकाळ वृत्तपत्र सृष्टीच्या सुरेल आयुष्या करीता दीर्घ काळ आरोग्य व आनंदायी आयुष्य लाभो हीच शुभेच्छा....!!!
